вторник, 22 ноября 2011 г.

Ձյուն է գալիս

Ձյուն է գալիս, գալիս
Ու թափվում է մայթին,
Ու իր թեթև նինջով
Քաղաքին է փարվում:
Թափառում եմ մտքով
Դեպի հյուսիս, հյուսիս
Ու սուզվում եմ անձայն
Հիշողության ծովում:

Ձյուն է գալիս, գալիս
Ու թափվում է մայթին,
Ու մի հասուն թախիծ
Դեգերում է այտիս,
Ինձ թվում է նաև
Հավատում եմ հիմա
Ողջ աշխարհին ու իմ
Անպարագիր բախտին:

Ձյուն է գալիս, գալիս
Ու թափվում է մայթին
Ու կարծես թե կյանքը
Դանդաղում է դրսում,
Եվ մի վրձին անտես
Իմ մատներում դողում`
Ներկոտում է անվերջ
Ձյունաճերմակ հեռուն:
1990թ. Այրվող վարագույր
Автор: на

Комментариев нет:

Отправить комментарий

Подписаться на: Комментарии к сообщению (Atom)