Ուշ է օ,Մարի,
Մոմեր ես վառել,
Ու մրմունջն է սառն աղոթքիդ:
Ես քեզ լսում եմ`
Ու բևեռային իմ սառցե որջում,
Տես, ջերմություն է:
Խաչակնքում ես,
Խաչակնքում ես
քո էությունը
մենությանը իմ,
Ուշ է, օ,Մարի…
Ես մեղավոր չեմ,
Ես անմեղ էի:
Փակիր աչերդ, աղաչում եմ քեզ,
Նրա՛ց բեկբեկուն անմեղությունն է,
Որ հայացքիդ հետ սրբատաշվել է
այս հեռաստանում… ՛
Մեղք եմ օ,Մարի
Ինձնով մի լցրու մաքրությունը քո,
Անձեռակերտ է ամեն ինչ այնքան,
Ու քո աղոթքը…
Մոմերն հանգել են:
Անծանոթները ճանապարհն անցել
Ու շրջանցել են ժամանակն հանկարծ,
Իրենցով լցրել ու տարածել են
Այս հազարօտար տարածությունը:
Որն է, օ~, Մարի,
Ճշմարտությունը:
Մոմերն հանգել են:
1990թ
Комментариев нет:
Отправить комментарий