Վերցրու իմ աչքերը
Ու նայիր աշխարհին:
Լսիր ձայները,
Որոնք ես եմ լսում:
Իմ շունչը վերցրու
Եվ ապրիր ընթացքը ժամերիս
Ու խոսիր, ու խոսիր
Իմ փակված շուրթերով:
Վերցրու լռությունս
Ու փշրիր ապակու պես,
Տարածիր արձագանքը
Խեցիներում մարդկանց…
Չի՛ հանգչում ոչ մի ձայն,
Ոչ մի խոսք չի կորչում
Անեզերք երկնքում
Ե՛վ ջրում, և՛ հողում:
Ողջը վերցրու,
Երբ կյանքն է անարժեք,
Երբ թափվում է վերից
Շփոթն աստղային,
Երբ շունչն է կործանման
Ե՛վ ջրում, և՛ հողում,
Երբ աղետ է շուրջը,
Եվ մահն է ինքնիշխան:
Վերցրու առավոտս,
Նույնիսկ` վերջինը,
Գիշերս վերցրու,
Եթե հմայում է քեզ,
Ցերեկս ապրիր
Եվ օրս փախցրու
Ու խոսիր…ու խոսիր
Իմ փակված շուրթերով:
1995թ.
Комментариев нет:
Отправить комментарий