Այս անսահման հորինվածքում
Ինքներս ենք մեզ հորինում
Ու խաբկանքի ճիրաններում
Ճշմարտություն ենք որոնում:
Որոնում ենք ինչ, որ չկա,
Ինչ հորինել մենք չենք կարող.
Ու զարմանում են մեզ վրա
Մեր իսկ աչքերը կասկածող:
Եվ ինքնակա այս ընթացքը,
Եվ նրանում ողջը, ինչ կա
Զուրկիմաստ են ի սկզբանե.
Մենք ենք իմաստ տալիս նրանց:
Ինչ, որ քաոս է մեզ թվում.
Հակառակն է անսահմանում,
Ու եղածը լոկ կապկելով
Դեպի անհայտն ենք ընթանում:
Ողջ ընթացքում, ամեն վայրկյան
Ճշգրտում ենք ինքներս մեզ
Եվ մեր տեղը այս աշխարում,
Բայց ոչ մեկը այն չի գտնում:
Երբ հասուն են մեր մտքերը,
Ու փորձում
ենք հասկանալ մեզ.
Պարզվում է,
որ շարունակ
Մեր հոգիներն ենք տրորել:
Միշտ գնում
ենք նույն ուղղությամբ,
Բայց մեր աչքերը չեն տեսնում.
Ժամանակն ու ճանապարհը
Մեզ նույն տեղն
է անվերջ բերում:
Եվ ապրելով մեր ընթացքը,
Զգացմունքները մեր պեղելով,
Դուրս ենք գալիս բեմահարթակ
Ուր մեր մահն էլ ենք հորինել…
Այս անսահման հորինվածքում
Ինքներս ենք մեզ հորինում:
121212
Комментариев нет:
Отправить комментарий